For tredje gong gjenskaper me oppskrifter frå Hulda Garborg i samarbeid med Kjetil Skaret frå Servit og Garborgdagar. Du får ein staseleg 5-rettar i det flottaste serveringslokalet på Bryne.

I 1898 skreiv Hulda Garborg den særs underhaldande boka Heimestell der ho deler oppskrifter og tips til alt frå baking til kroppsvask. Saman med Kjetil Skaret og Servit har med henta inspirasjon til mat og drikke frå boka. Kjetil  er Brynebu og har jobba på det som var nokre av Noregs beste gourmetrestaurantar, Finnegaardstuene og Jans Mat og Vinhus. Det vert 5-rettar med nokre små kulturelle innslag. Arrangementet er ein del av Garborgdagar. Pris: 1380,- per pers for maten. Drikke som er tilpassa maten kjøper du når du kjem. Begrensa med plasser!