Kjell Pahr-Iversen - Tegninger fra 60-tallet til i dag
Opning i Bryne Mølle laurdag 25.mai 2019. kl 12:00.
Stavanger-kunstnaren Kjell Pahr-Iversen er anerkjent gjennom deltaking i store utstillingar nasjonalt og internasjonalt. Mange vil kjenna Kjell Pahr-Iversen frå fargesterke "ikoniske" maleri, men han har og markert seg med teikningar blant anna i Rogalands Avis.
Bryne kunstforening har tidligare hatt gleda av å visa Kjell Pahr-Iversen, og me er ikkje mindre glade denne gongen. I utstillinga Tegninger fra 60-tallet til i dag viser Pahr-Iversen ei stor samling svart-kvitt illustrasjonar, med forskjellige teikneteknikker. Teikningane er fulle av liv og humor, og viser spennvidda og utviklinga som teikne-kunstnar frå 60-talet og framover til i dag.
Kjell Pahr-Iversen, født 22.12.1937, er utdanna ved Bergen Kunsthåndverkskole og kunstakademia i København og Amsterdam. Han har hatt ei rekke utstillingar i Noreg så vel som blant anna London, København, Paris, New York. Han er innkjøpt av tunge institusjonar som Nasjonalgalleriet, Riksgalleriet, Bergen Billedgalleri, Oslo kommunes kunstsamlinger, Rogaland Kunstmuseum og Aarhus Bys samlingar.
Forfattar Helge Torvund opnar utstillinga, og det vert musikkinnslag ved Vidar K. Schanche.
Gratis inngang opningsdagen.
Sidearrangement: Trond Borgen om Kjell Pahr-Iversen
Tysdag 28.mai kl 19 vert det eit arrangement med kunstkritikar og forfattar Trond Borgen. Han fortel om Kjell Pahr-Iversens teikningar og hans kunstnarskap. Trond Borgen viser rundt i utstillinga og samtaler med Kjell Pahr-Iversen
Inngang kr 100,- inkludert lett servering.
Utstillinga står til søndag 23. juni.
Ope laurdag 12-16 / sundag 13-17.